حضرت حسن بصری سے کسی نے آکر کہا کہ فلاں شخص نے آپ کی غیبت کی ہے۔حضرت حسن بصری نے اسی وقت تازہ چھوہارے منگوائے اور ایک طباق میں رکھ کر انہیں اس شخص کے پاس بطور ہدیہ بھیجا اور کہلا بھیجا۔
"میں آپ کا بڑا شکرگزار ہوں کہ آپ نے میری غیبت کر کے اپنی نیکیوں کو میرے نامہ اعمال میں منتقل کر دیا ہے۔آپ کے احسان کا بدلہ میں نہیں چکا سکتا تاہم یہ حقیر سا تحفہ قبول قبول فرمائیے۔"
وہ شخص حضرت حسن بصری کےاس حسن سلوک سےبڑاشرمندہ ہوا اور آپ کی خدمت میں حاضر ھو کرمعافی کاطلب گار ھوا۔

حَدَّثَنَا مُوسَی قَالَ حَدَّثَنَا أَبُو عَوَانَةَ عَنْ أَبِي حَصِينٍ عَنْ أَبِي صَالِحٍ عَنْ أَبِي هُرَيْرَةَ عَنْ النَّبِيِّ صَلَّی اللَّهُ عَلَيْهِ وَسَلَّمَ قَالَ تَسَمَّوْا بِاسْمِي وَلَا تَکْتَنُوا بِکُنْيَتِي وَمَنْ رَآنِي فِي الْمَنَامِ فَقَدْ رَآنِي فَإِنَّ الشَّيْطَانَ لَا يَتَمَثَّلُ فِي صُورَتِي وَمَنْ کَذَبَ عَلَيَّ مُتَعَمِّدًا فَلْيَتَبَوَّأْ مَقْعَدَهُ مِنْ النَّارِ


حضرت ابوہریرہ رضی اللہ تعالیٰ عنہ نبی صلی اللہ علیہ وآلہ وسلم سے روایت کرتے ہیں کہ آپ نے فرمایا میرا نام رکھ لو، مگر میری کنیت (جو ابوالقاسم ہے) نہ رکھو اور (یقین کرلو کہ) جس شخص نے مجھے خواب میں دیکھا تو یقینا اس نے مجھے دیکھ لیا اس لئے کہ شیطان میری صورت نہیں بناسکتا اور جو شخص عمدا میرے اوپر جھوٹ بولے تو اسے چاہئے کہ اپنا ٹھکانا آگ میں تلاش کرے۔

صحیح البخاری، جلد نمبر 1 / حدیث نمبر 111 / حدیث متواتر : مرفوع


حَدَّثَنَا عَلِيُّ بْنُ الْجَعْدِ قَالَ أَخْبَرَنَا شُعْبَةُ قَالَ أَخْبَرَنِي مَنْصُورٌ قَالَ سَمِعْتُ رِبْعِيَّ بْنَ حِرَاشٍ يَقُولُ سَمِعْتُ عَلِيًّا يَقُولُ قَالَ النَّبِيُّ صَلَّی اللَّهُ عَلَيْهِ وَسَلَّمَ لَا تَکْذِبُوا عَلَيَّ فَإِنَّهُ مَنْ کَذَبَ عَلَيَّ فَلْيَلِجْ النَّارَ


نبی صلی اللہ علیہ وآلہ وسلم نے فرمایا کہ میرے اوپر جھوٹ نہ بولنا کیونکہ جو شخص مجھ پر جھوٹ بولے اس کا ٹھکانہ جہنم ہے۔

صحیح البخاری، جلد نمبر 1 / حدیث نمبر 107 / حدیث متواتر : مرفوع


حَدَّثَنَا أَبُو مَعْمَرٍ قَالَ حَدَّثَنَا عَبْدُ الْوَارِثِ عَنْ عَبْدِ الْعَزِيزِ قَالَ أَنَسٌ إِنَّهُ لَيَمْنَعُنِي أَنْ أُحَدِّثَکُمْ حَدِيثًا کَثِيرًا أَنَّ النَّبِيَّ صَلَّی اللَّهُ عَلَيْهِ وَسَلَّمَ قَالَ مَنْ تَعَمَّدَ عَلَيَّ کَذِبًا فَلْيَتَبَوَّأْ مَقْعَدَهُ مِنْ النَّارِ


نبی صلی اللہ علیہ وآلہ وسلم نے فرمایا کہ جو شخص مجھ پر عمدا جھوٹ بولے تو اسے چاہئے کہ اپنا ٹھکانہ آگ میں تلاش کرے۔

صحیح البخاری، جلد نمبر 1 / حدیث نمبر 109 / حدیث متواتر : مرفوع


حَدَّثَنَا مَکِّيُّ بْنُ إِبْرَاهِيمَ قَالَ حَدَّثَنَا يَزِيدُ بْنُ أَبِي عُبَيْدٍ عَنْ سَلَمَةَ هو ابن الأَکْوَعِ قَالَ سَمِعْتُ النَّبِيَّ صَلَّی اللَّهُ عَلَيْهِ وَسَلَّمَ يَقُولُ مَنْ يَقُلْ عَلَيَّ مَا لَمْ أَقُلْ فَلْيَتَبَوَّأْ مَقْعَدَهُ مِنْ النَّارِ


حضرت سلمہ بن اکوع رضی اللہ تعالیٰ عنہ سے روایت ہے، فرمایا کہ میں نے نبی صلی اللہ علیہ وآلہ وسلم کو یہ فرماتے ہوئے سنا کہ جو کوئی میری نسبت وہ بات بیان کرے جو میں نے نہیں کہی، تو اسے چاہئے کہ اپنا ٹھکانا آگ میں تلاش کرے۔

صحیح البخاری، جلد نمبر 1 / حدیث نمبر 110 / حدیث متواتر : مرفوع

میری امت کی دو جماعتیں ایسی ہیں جن کو اللہ تعالی نے جہنم سے آزاد کر دیاہے۔ ایک وہ جماعت جو ھند کے خلاف جہاد میں شریک ہو گی ۔ دوسری وہ جو حضرت عیسی علیہ السلام کے ساتھ ملکر کر (دجال کیخلاف) جہاد کریگی۔

The Ref is Sunan Nissaai Shareef Book Al JIHAD : Chapter 1604 Gazawah tul Hind______ Hadeis Numbers r (3178 , 3179 ,3180 )

اسلام اور کفر کے درمیان پہلا معرکہ2ہجری میں بدر کے میدان میں ہوا۔3ہجری میں احد کا غزوہ پیش آیا اس کے بعد ہر غزوے میںحضورﷺنے اسلحہ جنگ میں استعمال کیا۔ فخر دو عالم کے پاس پانچ کمانیں،تین ڈھالیں،دو نیزے،پانچ حربے سات زریں اور دو خودوں کے علاوہ نو تلواریںتھیں۔ان سب کی تفصیل یہ ہے۔
1۔کمانیں:
پہلی کمان کا نام بیفاءتھا
یہ کمان ایک پہاڑی درخت شوحط سے بنائی گئی تھی۔ اکثر کمانیں اسی درخت سے ہی بنائی جاتی ہیں۔ آپ کویہ کمان بنی قینقاع کے ہتھیاروں سے ملی تھی۔دوسری کمان کا نام زوار تھا۔ اس کی خوبی یہ تھی کہ اس سے جو تیر پھینکا جاتا تھا وہ بہت کم آواز دیتی تھی۔تیسری کمان کا نام صفراءتھایہ مشہور درخت منبع کی لکڑی سے بنائی گئی تھی اور تیر بھی اسی درخت کی شاخوں سے بنائے جاتے تھے۔یہ کمان غزوہ احد میں ٹوٹ گئی تھی اس طرح چوتھی کمان کا نام سد اور پانچویں کا نام روحا تھا۔
2۔ڈھا لیں
آپ صلی اللہ علیہ وسلم کے پاس تین ڈھالیں تھیں۔
پہلی ڈھال کا نام فستق تھا جو انتہائی مظبوط تھی۔
دوسری کا نام زلوق تھا۔ اس کی یہ خوبی تھی کے اس پر سے ہتھیار پھسل جاتا تھا۔
3۔ نیزے
آپ صلی اللہ علیہ وسلم کے پاس دو نیزے تھے۔
ایک مثوی جس کے معنیٰ ہیں شکار قائم رکھنے والا۔ یہ نیزہ چونکہ شکار کو اپنی جگہ سے حرکت نہیں کرنے دیتا تھا۔اس لئے اس کا نام مثوی پڑ گیا۔
دوسرے نیزے کا نام مثنیٰ تھا۔
4۔حربے:
یہ تعداد میں پانچ تھے۔ حربہ دراصل چھوٹے نیزے، بھالے یا برچھی کو کہتے ہیں ۔ اہل عرب میں یہ ہتھیار عام طور پر حربہ ہی کہلاتا تھا۔
آپ صلی اللہ علیہ وسلم کے پاس جو حربے تھے ان کے نام نمرہ،نمبعہ،محصر،بیفااور عنزہ تھے۔ان سب میں عنزہ زیادہ مشہور تھے۔ان سب میں سے زیادہ عنزہ کو شہرت حاصل ہوئی ۔یہ حربہ حبشہ سے حضرت زبیر بن الصوام رضی اللہ عنہ لائے تھے اور بدر کے میدان میں انہوں نے اسی سے مشور مشرک بوکرش کو ہلاک کیا تھا۔جس سے اس کا پھل ٹیڑھا ہو گیا، تھا۔ آپ صلی اللہ علیہ وسلم نے یہ نیزہ ان سے لے لیا تھا اور یہ ہمیشہ آپ صلی اللہ علیہ وسلم کے پاس رہتا تھا۔
5۔زرہیں :
آپ صلی اللہ علیہ وسلم کے پاس سات زرہیں تھیں ۔
ذات الشوح،ذات الحواشی،ففہ تیرا خرنق، سفریہ اور ذات النفول۔آخری زرہ آپ صلی اللہ علیہ وسلم کو بدر کی طرف جاتے ہوئے حضرت سعد بن عبادہ نے پیش کی تھی۔یہ چونکہ لمبی تھی اس لئے ذات النفول کہلاتی تھی۔
6۔خود:
آپ صلی اللہ علیہ وسلم کے پاس دو خود تھے۔ ایک کا نام موشح اور دوسرے کا نام ذات السبوع تھا۔
7۔تلواریں:
آپ صلی اللہ علیہ وسلم کے پاس نو تلواریں تھیں ۔
1۔قرضیت یعنی کاٹنے والی۔۔۔۔
2۔حیف یعنی موت۔۔۔
3۔رسوب یعنی دھنس جانے والی۔یہ تلوار نو تلواروں میں سے ایک تھی جو ملکہ بلقیس نے حضرت سلیمان علیہ السلام کو پیش کی تھیں۔
4۔مخدوم کاٹنے والی یہ تلوار مشہور بت فلس کے سر پر لٹکی رہتی تھی۔
5۔قلعی صحرا میں مقام کا نام تھا یہ تلوار اسی مناسبت سے قلعی کہلاتی تھی۔
6۔عقب قطع کرنے والی یہ تلوار آپ صلی اللہ علیہ وسلم کی خدمت میں بدر کی جنگ میںحضرت سعد بن عبادہ رضی اللہ عنہ نے پیش کی تھی۔
7۔ماثور یہ تلوار آپ صلی اللہ علیہ وسلم کے والد گرامی کی تھی جو ورثہ میں ملی تھی اور جب آپ صلی اللہ علیہ وسلم مدینہ تشریف لائے تھے تو یہ تلوار آپ صلی اللہ علیہ وسلم کے پاس تھی۔
8۔صمصام یہ تلوار عمرو بن معدی کرب کی تھی جو آپ صلی اللہ علیہ وسلم کو ملی تھی۔ تیز دھار اور اپنی نوک پلک کے لحاظ سے انفرادی حیثیت رکھتی تھی۔
9۔ذوالفقار یہ تلوار آپ صلی اللہ علیہ وسلم کوبدر کے میدان سے مال غنیمت میں ملی تھی۔اس تلوار کا درمیانی حصہ ریڑھ کی ہڈی جیسا تھا ۔آپ صلی اللہ علیہ وسلم اس تلوار کو کبھی اپنے سے جدا نہیں فرماتے تھے۔

طبرانی اوسط میں ابو امامہ باہلی رضی اللہ تعالٰی عنہ سے راوی رسول اللہ صلی اللہ تعالٰی علیہ وسلم فرماتے ہیں:ان العبداذا غسل رجلیہ خرجت خطایاہ واذا غسل وجہہ وتمضمض وتشوص واستنشق ومسح براسہ خرجت خطایا سمعہ وبصرہ ولسانہ واذا غسل ذراعیہ وقدمیہ کان کیوم ولدتہ امہ ۱؎۔

بے شک بندہ جب اپنے پاؤں دھوتاہے اُس کے گناہ دورہوجاتے ہیں اورجب مُنہ دھوتااورکُلی کرتادھوتا مانجھتاپانی سونگھتاسرکا مسح کرتاہے اس کے کانوں ، آنکھوں اور زبان کے گناہ نکل جاتے ہیں،اورجب کلائیاں اورپاؤں دھوتاہے ایسا ہوجاتاہے جیسا اپنی ماں سے پیدا ہوتے وقت تھا۔

(۱؎المعجم الاوسط حدیث ۴۳۹۴ مکتبۃ المعارف ریاض ۵ /۲۰۲)
(کنز العمال حدیث ۲۶۰۴۸ موسسۃ الرسالۃ بیروت ۹ /۲۸۹

اسلام علیکم

امید ہے کہ آپ سب خیریت سے ہونگے ۔

سلسئہ نقشبندیہ مجددیہ علائیہ کی اس اردو ویب سائٹ میں خوش آمدید۔ یہ ایک خالصتا اسلامی ، اصلاحی ، دینی ویب سائٹ ہے اور کسی قسم کے تفرقے یا فرقہ پرستی سے بالا تر بنائی گئی ہے۔



یہ ویب سائٹ اس لئے بنائی گئی تاکہ تصوف کے منکرین کے بے جا اعتراضات کا علمی و عملی جائزہ لیا جائے اور انھیں تصوف کی افادیت و اہمیت کا اندازہ ہو سکے۔ نیز انھیں یہ معلوم ہو جائے کہ تصوف ، اللھ تعالی کے نازل کردہ دین کی تکمیل کا نام ہے۔ اور شریعت کا عین ہے ، نیز شریعت کو سمجھنا اور اس پر عمل کرنا آسان کرنے کا علم ہے۔



زیر نظر ویب سائٹ عاجز عمران عمر عفی عنہ کی طالبعلمانہ کتاب تسہیل سلوک نقشبندیہ ۔ للمعرفتہ الحقیقہ کی مدد سے بنائی گئی ہے۔ اگر آپ اس سلسلے میں کسی بھی قسم کا سوال پوچھنا چاہتے ہوں تو عاجز عمران عمر عفی عنہ سے رابطہ کرسکتے ہیں۔ آپ سے مودبانہ گزارش ہو گی کہ اس ویب سائٹ کے متعلق اپنے عزیز و اقارب دوست احباب کو مطلع فرمائیے تاکہ اللھ تعالی کے دین کی ترویج احسن انداز کے ساتھ ہو سکے اور عوام الناس ، جو تصوف سے نا بلد ہیں ، ان کی درست خطوط پر تربیت علمی اور عملی طور پر ہو سکے۔

جزاک اللھ ! ۔

عزیز دوستوں اس تھریڈ میں انشا اللھ یہ عاجز عمران عمر ایک عظیم ہستی حضرت مجدد الف ثانی رحمہ اللھ کی اقوال مبارک جما کر رہا ہے ، جو انشا اللھ قارئین کی دلچسپی کا باعث بنیں گے۔

اللھ تعالی کی کروڑ ہا برکتیں ، سلامتیں ، رحمتیں ہوں حضرت شیخ احمد سرہندی رحمہ اللھ کی روح پر فتوح پر جن کی نسبت عالی سے آج تک اور انشا اللھ قیامت تک تمام انسان فیضیاب ہوتے رہیں گے۔ آمین